शेतकरी
भेंडी नाचे कांद्याचा भाव वाढल्यावर
थांबली जेव्हा व्हिस्कीचा भाव पाहील्यावर
मद्य दर वाढीवर ओरडलात का कधी
कांदा कसा सळतो मग तुझ्या डोळ्यामंधी
चवळी अन् पालक मग पेट्रोलशी भिडली
तीथंही मग पेट्रोलनं मुसंडी मारली
मेथी म्हणे सगळा षंढ झाला समाज
महागाईनं भाज्यांच्या ओरडे बारीमास
मीरची म्हणे माझे भाव जेव्हा वाढतात
खालि वर लोकं दोन्ही कडे जळतात
वांगी म्हणे मीरची ताई करु नको चिंता
रडतील हे कधीतरी तुझ्याही करता
दोडका भोपळा लसुन बघता दुरुन
मोबाईल टि व्ही फ्रिज पुरलेत उरुन
महागाई का फक्त भाजीपाल्यात असते
बाकि बाबतीत बुद्धि गहान का रहाते
आमचा भाव वाढता शेतकरी हसेल
तेव्हाच बळीला चांगला दिवस दिसेल
ग्वार म्हणे दलालाला तुच बाबा चांगला
आज आमचा शेतकरी वेशीला टांगला
©शिवा चौधरी
जामनेर,जळगांव
***********************************
कोई टिप्पणी नहीं:
एक टिप्पणी भेजें