एक सर् पावसाची
एक सर् तर मागितली होती पावसाची पण नाही दिली
सुकवून रानं सारं धार अश्रुची माझ्या डोळ्यांना दिली
धान्याचा साठा ज्याच्या कडे त्यास भुक नाही दिली
भुकेनं तडफडता लेकरं माझी पण मला वर्षाची भाकर नाही दिली
एक सर् तर मागितली होती पावसाची पण नाही दिली
एसी त राहतो, मोटारीतुन फिरतो माझ्याच मालावर गबर होतो
तो करोडो कमवतो मला मात्र दमडीच दिली
एक सर् तर मागितली होती पावसाची पण नाही दिली
त्याच्या कडे पैसा आहे म्हणुन माल साठवतो
मी एका एका दान्यासाठी रक्त आटवतो
त्यानी पैशाच्या जोरावर ईज्जत कमवली
मी कर्जापायी इज्जत विकुन शेती पिकवली
एक सर् तर मागितली होती पावसाची पण नाही दिली
माझ्याच मालावर बांधल्यात महाड्या
पण एक पैसा भाव वाढवून नाही दिलास गड्या
शेतमालाला भाव नाही म्हणुनच आम्ही आत्महत्या करतो
तरी तुम्ही आत्महत्येची मुळं नाही शोधली
एक सर् तर मागितली होती पावसाची पण नाही दिली
अजुन कायदे करा कि तुमच्या बद्दल कुणी बोलु नये
आमच्या भावना तुमच्या पर्यंत पोहचवूच नये
प्रत्येकानं ही गादी पाच वर्षासाठीच मिळवली
अन सगळी मंडळी आमच्या भावनेशीच खेळली
एक सर् तर मागितली होती पावसाची पण नाही दिली
कोई टिप्पणी नहीं:
एक टिप्पणी भेजें