त्राही त्राही
धर्म धर्म करु नका
नका काढू उगा खोड्या
बघतोय मी रे सारं
नका करु कुरघोड्या
अक्स माझा नसून ही
वर चादर हिरवी
धर्माच्या तू नावाखाली
का ? रे भीति मना भरवी
रंग केला लाल माझा
शेंडीला तूप तुझ्या
धाक दावतो माझा जना
अन तुच करतो मजा
शिकली सारी आता
तुला लावतील घोडे
तोड तुझे ताविज
धागे ढिले सोड थोडे
का वेद कुराणाचे
ज्ञान सांगतोस मोठे
वाचतिल तेच सारं
करतिल खरे खोटे
सत्य जरी वेद तुझे
जर सत्य ते पुराण
का लादतोस गिता
का लादतो कुराण
धर्म एक सारा
समजवं साऱ्या जगा
मानवतेचा मानसा
तु सोडू नको धागा
मी नाही कुणी ईश्वर
मी नाही कुणी अल्ला
स्वार्थासाठी लालच्यांनो
नका करु हो हल्ला
जगू दे रे मानवाला
नको पाडू पचड्यात
साऱ्या जाती धर्मास
बांध एक बुचड्यात
मी निमित्त रे फक्त
सुत्र सारे तुझ्या हाती
विण एका वेणीत रे
वाचवण्या ही माती
नको वाटू धर्मात
नको वाटू जातीत
हेच धर्म एकदिनी
गाडतिल तुज मातीत
राख तुझी करतील
ते जित्या पणी बाबा
नाही तारणार तुला
कुणी काशी आणि काबा
म्हणून सांगतोय तुला
फक्त मानवता पेरावी
मेला जरी आज तरी
किर्ती येथे उरावी
नका करु शिया सुन्नी
नको ब्राह्मणानी शुद्र
वाट फक्त गोडवाच
नको वाटू बोलभद्र
नाही कुठली जादू इथं
नाही कुठली लिला
ना मुस्लिंमांचा जॅक इथं
ना हिंदूंचा वशिला
एकच सृष्टिकर्ता मी
अन् एकटाच विधाता
बाण जरी खूप सारे
पण एकच माझा भाता
नाव तया तुच दिले
भलत्या सलत्या रुपाने
जगू दे रे मानवास
जगू दे तू सुखाने
पोटासाठी भटकती
ती सारे गावोगावा
ना समज ते बिचारे
ना समजती तुझा कावा
खडसावून सांगतो रे
शेवटचे तुला मी
ते सहणार नाही रे
तव धर्माची गुलामी
ध्यानी येता डाव सारे
घालतिल रे गोळी
कुणी करेल हलाल
कुणी पेटविल होळी
कधी उंच उडवतील
ते तुला आसमंती
अन् केला जर कहर
मग गाडेल हिच माती
मग रडू नको तु रे
जिता जाता सरणावर
कुणी रडणार नाही
तुझ्या अशा मरणावर
किती सांगू बाबा तुला
सुधारणा रे थोडं
मज ही ज्ञात नाही
काय वाढलयं तुझ्यापुढं
नका वापरु मला रे
या धर्माच्या बाजारी
विट तुझ्या भांडणांचा
भांडणे आली जिव्हारी
एक दिवशी शिकविण
धडा तुला चांगलाच
जर का ठेकेदारा तू
अविवेकी वागलास
मी रे जरी मोठा इथं
पण खेळ तुझा सारा
भरले तुझे दिस आता
आवर तुझा पसारा
मी जर का खेळ केला
तू सोसणार नाही
खेळ माझा दाहक
होशिल त्राही त्राही !
होशिल त्राही त्राही !
होशिल त्राही त्राही !
होशिल त्राही त्राही !
शिवा चौधरी
जामनेर,जळगांव
