🌿🍀रानवारा🍀🌿
चंद्रकळी रूप तुझे,सहवास धुंदवारा
आठवात तुझ्या उगा, झोंबतो रानवारा !
उगा झोकतो मी, कामात मन माझे
कामात ही कैकदा, झोंबतो रानवारा !
झोंबूनिया तनावर, उठती गोड शहारे
शहाऱ्यातून मनाला, झोंबतो रानवारा !
तरंगे मनाच्या डोही, वलयात लुप्त होती
तरंगास ही डोहाच्या, झोंबतो रानवारा !
निपचित देह सारा, तुझ्या विरहात
थंडगार देहास ही, झोंबतो रानवारा !
रक्तपर्णे अधरे तुझी, फिरली कधी गाली
गालास ही मग त्या, झोंबतो रानवारा !
एक एक क्षण माझ्या, जाळून जाई हृदयास
लालबुंद हृदयास ही, झोंबतो रानवारा !
शिवा चौधरी
जामनेर,जळगांव
कोई टिप्पणी नहीं:
एक टिप्पणी भेजें