अप्रूप
शेंडा जाई दिगंतरी
मुळं मातीच्या अंतरी
धरेवीन हर्ष कुणा
नसेल या भुईवरी
किती मातीला अप्रूप
कसं सांगेल ती माती
तिच्या हर्षाचाच पान्हा
देई झाडाला त्या गती.
पान्हा मायेचा पिऊनी
त्याची उंचाविता मान
त्याच्या उंच या झेपेचा
मातीस त्या अभिमान
शिवा सांगीतो अनिला
तुझा धरिला मी धागा
तुझ्या प्रश्नाच्या उत्तरा
दिली कवितेत जागा
तुही झाड आम्हासाठी
आम्ही तुझीच ती माती
सांगू मनाचे अप्रूप
तुझी वाढतांना कीर्ती
शिवा चौधरी
८२७५४९३२२१
