मानवता
कसे जगावे या जगी लय सांधतो मी
पुण्य सोडून का मग पाप सांधतो मी
केल्या चिंध्या मीच माझ्या तत्वांच्या
लाजून बोचक्यात लाज बांधतो मी
सत्तेसाठी इतका मी हपापलेलो
नात्यांना ही मग तंदूरीत रांधतो मी
वासनेची का भूक लागली देहास
निरपराध सावज का शोधतो मी
स्वार्थ इतका येथे बोकाळला प्रकर्षाने
स्वार्थ्यांच्या गोटात स्वार्थ शोधतो मी
जळून खाक झाली निखारे मानवतेची
विझलेल्या निखाऱ्यात आग शोधतो मी
कोई टिप्पणी नहीं:
एक टिप्पणी भेजें