आता तरी माणसा तू माणसावाणी वाग……
पुरे जीनं कुतऱ्याचं
आता बन तु रे वाघ
आता तरी माणसा तू
माणसावाणी वाग……
पैशासाठी खूण झाले
शौकासाठी गुन्हे
माणसाचा जन्म भेटला
आता काय तुला उणे
फायद्यासाठी वापर तुझा
करती महाभाग
आता तरी माणसा तू
माणसावाणी वाग……1
काय होतं तुझं इथं
काय कमवशिलं
इथलंच सार बाबा
इथंच गमवशिलं
हाय पैसा हाय पैसा
नुसता लालसेचा भाग
आता तरी माणसा तू
माणसावाणी वाग……2
चिखल झालाय नुसता
शिरु नको खोलात
भिकेला लागली कुणी
कुणी गेली जेलात
लालसेची कधी इथं
शमत नाही आग
आता तरी माणसा तू
माणसावाणी वाग……3
धर्माच्या नावाखाली
तुला लावती फास
एका हांडी शिजवती
साले गोस्त आणि मास
तरी तुला रे कसा
येत नाही राग
आता तरी माणसा तू
माणसावाणी वाग……4
तुझी बहीण जपावी
दुसऱ्याची लुटावी
रात्री धंदे पापाचे
दिवसा माळा जपावी
मरतील एके दिनी
कुकर्मी हे घाग
आता तरी माणसा तू
माणसावाणी वाग……5
जात नाही धर्म नाही
नाही मोठा इथं कुणी
सुंदर नाही धर्म कोणता
इथं मानवतेवानी
माणसातला माणूस तू
ओळखायला लाग
आता तरी माणसा तू
माणसावाणी वाग……6
कोई टिप्पणी नहीं:
एक टिप्पणी भेजें