माझ्या प्रेमात वेडा झाला
आला आला रे फेरीवाला
माझ्या प्रेमात वेडा झाला ||धृ||
होऊन सायकलवर स्वार,
वर केळांचा भार
गल्लीबोळात बोभाटा केला
माझ्या प्रेमात वेडा झाला…………
त्याला खिडकी आडून,
मी पाहीला दडून
कावरा बावरा झाला फेरीवाला
माझ्या प्रेमात वेडा झाला…………
मी आवाज दिला,
तो पळत आला
मज निरखून पाहू लागला
माझ्या प्रेमात वेडा झाला…………
केळं डझन भरं,
ठेवले हातावरं
भाव केळांचा नाही केला
माझ्या प्रेमात वेडा झाला…………
झाले लाजून चूरं,
धडधडला ऊरं
जसा नजरेचा बाण मारियला
माझ्या प्रेमात वेडा झाला…………
मी उगा चिडले,
अन मागं वळले
तो मंदमंद मिशीत हसला
माझ्या प्रेमात वेडा झाला…………
त्याचे बघून चाळे,
प्रश्न मनी पडे
हा होईल का? माझा दादला
माझ्या प्रेमात वेडा झाला…………
बघून गबरु गडी,
मी ही झाले वेडी
मनोमनी त्यासी वरीयला
माझ्या प्रेमात वेडा झाला…………
शिवा चौधरी
जामनेर,जळगांव
कोई टिप्पणी नहीं:
एक टिप्पणी भेजें