📎📎📎📎📎📎📎📎📎
• विद्रोही •
दोष असे तुझ्या । कर्माचा मानवा ।
फुकाचा कांगावा । कुंडलीत ।।
भाग्य म्हणे तुझं । पाहतो रे भट ।
सांगे खोटं नाटं । हस्तशास्त्र ।।
कष्टी कमवावे । कष्टाचेच खावे ।
जोर बाळगावे । मनगटी ।।
तुजला तु दर्री । घेतली का कधी ।
त्याच्या साठी गादी । मखमली ।।
धर्माचीया नावे । माझ्या मनी भीति ।
घालशी रे किती । ढोंगीबाबा ।।
होईना कल्याण ।धोंड्याशी पुजुनी ।
घ्यावे समजुनी । अभ्यासुन ।।
कष्ट होते तुझे । फळ मात्र त्याला ।
कळसच झाला । थोतांडाचा ।।
पोटा साठि त्यांनी । मांडला बाजार ।
शास्त्र ते हजार । धर्माचीया ।।
ठोकुनीया छाती । विचारतो जाब ।
दाऊ नको रोब । विद्रोह्याला ।।
© शिवा चौधरी(कळमसरेकर)
जामनेर, जळगांव
📎📎📎📎📎📎📎📎📎
कोई टिप्पणी नहीं:
एक टिप्पणी भेजें