हळद
गरगर गरगर भिंगरी, भिंगरी गं भिंगरी
रोमांच फुलवी, फुलवी अंतरी
गरगर गरगर भिंगरी, भिंगरी गं भिंगरी
मोगऱ्याचा गजरा भुलवी वेड्या मनाला
शहारते मन् बाई होता स्पर्श मानेला
मोगऱ्याची मंजीरी, मंजीरी गं मंजरी
रोमांच फुलवी, फुलवी अंतरी
गरगर गरगर भिंगरी, भिंगरी गं भिंगरी
हळदीचा गुण तुझ्या, खुलवी रुपाला
सोखावले मन् तुझे, नवऱ्याच्या भेटीला
नवरा भेटेल, भेटेल सासरी
रोमांच फुलवी, फुलवी अंतरी
गरगर गरगर भिंगरी, भिंगरी गं भिंगरी
मेंहदीचा रंग तुझ्या हातावर चढला
गाता गाता हळद गाणे दिवस ढळला
सजली नवरी, नवरी गोजिरी
रोमांच फुलवी, फुलवी अंतरी
गरगर गरगर भिंगरी, भिंगरी गं भिंगरी
कोई टिप्पणी नहीं:
एक टिप्पणी भेजें