आज नटले मी
सख्या तुज साठी आज नटले मी
अंतरीच्या कोपऱ्यातुन आज पेटले मी
वेड्या मनाला सांग आवर कसा घालु
बेधुंद होऊन सख्या आज नटले मी
मोह तुझा आवरेना वेड्या मनाला
स्वप्नातही प्रियतमा तुलाच भेटले मी
नेत्रातुन आसवाचां वाहत झरा होता
मनातल्या भावनांचा बांध फोडला मी
माझ्या मनातील वेदना सांगु मी कुणाला
मनात आठवांचे व्दंव्द झेलते मी
का रे छळतो उगा माझ्या मनाला
समजवू कशा तुला माझ्या भावना मी
रेगांळते मन् माझे तुझ्याच भोवताली
फक्त तुझ्या गुणांवर आज भाळले मी
तुच माझा जीव तुच माझा प्राण
तुझ्या प्रेमासाठी सदा आसुसले मी
मनात ही माझ्या काहुर पेटलेले
तुझ्यासाठी राया घर सोडले मी
तरी ही तु न भेटसी जरी मला रे
तुज साठी मग हे विश्व सोडते मी
भोवताली माझ्या वणवा पेटलेला
अपयश येता आज काया जाळते मी
कोई टिप्पणी नहीं:
एक टिप्पणी भेजें