स्त्री ची साडेसाती
काय म्हणु देवा तुज
लाज उरली का नाही
आळा घालतांना का रे
तुज दिसे फक्त बाई……
माझ्या विटाळांच तुला
पाप कसं रे चढलं
पुजा करणारं थेर
स्त्री विटाळात वाढलं……
साऱ्या जगाला दावसी
तु रे तुझी साडेसाती
तुला सोसणार नाही
देवा स्त्रीची साडेसाती……
मी रे जिजाऊ इथली
सती प्रथा बंद केली
तुझ्या विस्वस्थांनी आता
तुझी शामत आणली……
पति पुत्र दोन वाघ
तुज झेपणार नाही
तुझ्या अष्टमात जर
आली कुणी धुर्त बाई……
छळु नको दुबळ्यास
प्रशासनास तु चोप
ज्याने केला सारा खेळ
त्याला दाव तुझा कोप……
घे तेलाचा अभिषेक
घाल त्याच्या जिभी आळा
जर चिडली नं बाई
राऊळाशी लागे टाळा………
© शिवा चौधरी
जामनेर,जळगांव
कोई टिप्पणी नहीं:
एक टिप्पणी भेजें