दुःखी गाणे

ससा - कासव

बसला कसा सांग ना………
धसका हा माझ्या मनी……
शोधितो रे बाबा मी,
आनंद या जीवनी……… || धृ ||

आई सदा व्यस्त राही,
बाबा तुला वेळ नाही.
छेडतो मजला वारंवार……
गोष्टी मधला राजकुमार……
किती गोड ती भासते,
पुस्तकातली राणी………
शोधितो रे बाबा मी,
आनंद या जीवनी……… || 1 ||

ये ना बाबा ये ना घरा
फिरा   यला नेना जरा
दंगा   मस्ती  चल ना करु
बागे    मधुनी   थोडं फिरु
चल आईस्क्रिम घेऊया……
कुल्फीवाल्याच्या  पेटीतुनी……
शोधितो रे बाबा मी,
आनंद या जीवनी……… || 2 ||

दमलो रे मी खुपच आता
मोबाईलचे खेळ खेळूनी
मज वाटे खुप खेळावे
मित्रां संगे खेळ मैदानी
झाडा आडूनी पाहतो……
खेळ त्यांचे मी डोकावूनी……
शोधितो रे बाबा मी,
आनंद या जीवनी……… || 3 ||

क्रिकॆट्ची रे आवड मजला
कुणी न बोलवी खेळायला
टोलवा टोलवी माझी होते
चेंडु सम हे मन् ही झिजते
अलगत कुणी घ्यावे……
मज वरचेवरी झेलूनी……
शोधितो रे बाबा मी,
आनंद या जीवनी……… || 4 ||

बसला कसा सांग ना………
धसका हा माझ्या मनी……
शोधितो रे बाबा मी,
आनंद या जीवनी………

© शिवा चौधरी
      जामनेर,जळगांव