लावणी
रंग असा गोरा गोरा
बांधा माझा पाठमोरा
ठसलाय तुझ्या रं मनात
येतया समदं माझ्या ध्यानात……
रंकाळ्या पोर राया
झीजवीन माझी काया
पायात चाळ बांधुन
ढोलकीचा ताल धरुन
घेईन गिरकी मी जोमात
येतया समदं माझ्या ध्यानात……
नाजुक कमरेचा झटका
जिव्हारी तुझ्या चटका
लावुन जाते मी खरी
जीव हा पाखरा परी
उडुन पाखरु जाई रानात
येतया समदं माझ्या ध्यानात……
मिशीला ताव देता
नजरेनं वार करता
जराशी कळ काढा
पावनं हा हात सोडा
मदनाचं ईख तुमच्या मनात
येतया समदं माझ्या ध्यानात……
ठुमकत मी येईन अशी
पाडु नका तोंड घशी
करा हो दौलत जादा
तुमचीच आहे मी सदा
नका येवू तुम्ही लाडात
येतया समदं माझ्या ध्यानात……
©शिवा चौधरी
जामनेर,जळगांव
कोई टिप्पणी नहीं:
एक टिप्पणी भेजें