हास्य कविता

हास्य कविता

माझ्या प्रित फुला
सर्वस्व वाहतो तुला,
एकदाच म्हणं I L U
दहा ₹ देतो मी तुला.

केसात तुझ्या गजरा
डोळ्यात काळा कजरा,
गुटखा खातांना का तू
चोरत होतीस नजरा.

टुकटूकनारे डोळे
मला करती बेहाल,
शेपटी शिवाय दिसते
तू भिंतीवरली पाल.

गाण्याच्या स्पर्धॆत तुला
त्यांनी एक पदक दिलं,
नंतर मोठा कप् देऊन
तुझं तोंड बंद केलं.

वाटलं होतं गाशिल
कोकिळेच्या गळ्यात,
नमले सारे श्रोते
गाढवी स्वराच्या पुढ्यात.

ओठाला लाली चोपडुन
म्हणे आहे मी सुंदर,
आरसा बघ एकदा
कशी दिसते तू मांजर.

तशी तू सुंदर
दिसते बाई खरी,
तुझ्या परीस माझी
कामवालीच बरी.

©शिवा चौधरी
      जामनेर, जळगांव