दिवाळीची अष्टाक्षरी
माझ्या अंगणी सजली
दीप दिव्यांची ती आळी
चला साजरी करुया
आज नवखी दिवाळी………
चला प्रदुषण टाळू
नका फटाकी रे जाळू
दिवे लावु शिक्षणाचे
उजेड ज्ञानाचा पाडू………
एक दिवा लेकी साठी
एक बळीराज्या साठी
अशी सजवू ती आळी
आज एका पाठोपाठी………
नका करु रे बाळांनो
उगा फटाक्यांचा नाद
या रे प्रदूषणा पायी
किती झाली बरबाद………
काही घरे जळतील
कानठळ्या बसतील
फटाक्यांच्या धुरापायी
कुणी दमा पाळतील………
संस्कृतिच्या नावाखाली
नका लावू रे लांछन
करा सर्वांचा विचार
नका करु रे भांडण………
संस्कृति शिकवी आम्हा
लावा दिव्यांची ती आळी
म्हणुनच तिचे नाव
अहो पडले दिवाळी………
दिवाळीच्या मुहूर्ताला
शिवा देतोय शुभेच्छा
सौख्य नांदो तव द्वारी
हिच सर्वोपरी ईच्छा………
------------------------------------------
आपलं प्रत्येक दुःख या तेवणाऱ्या ज्योतीत जळुन जावो,
आणि त्याच ज्योतीच्या प्रकाशात सारं जीवन फुलून येवो.
दिवाळीच्या या पावण पर्वात बळीराजाला शत् शत् नमन
प्रदूषण मुक्त दिवाळीच्या खुप साऱ्या शुभेच्छा,
©शिवा चौधरी
जामनेर,जळगांव
कोई टिप्पणी नहीं:
एक टिप्पणी भेजें