लावणी
ज्वानीच्या, इश्काच्या, धुंदीत राया…
जळते रे माझी कोमल काया…
कुणी ताबा या देहावर मिळवा,
घोडा मदनाचा सुसाट पळवा…
हो घोडा मदनाचा सुसाट पळवा…
माझ्या पिरतीची मजाच न्यारी…
डाव्या डोळ्याची लवलव भारी..
कुणी लवलव या डोळ्याची थांबवा,
घोडा मदनाचा सुसाट पळवा…
हो घोडा मदनाचा सुसाट पळवा…
माझ्या ओठांची गुल्लाबी लाली…
खडी नाजूक गोऱ्या गाली…
माझ्या ओठांना ओठ कुणी भिडवा,
घोडा मदनाचा सुसाट पळवा…
हो घोडा मदनाचा सुसाट पळवा…
या या चोळीचा पिवळा रंग…
बघा चोळी ही झालीया तंग…
नवी चोळी माझ्यासाठी मागवा,
घोडा मदनाचा सुसाट पळवा…
हो घोडा मदनाचा सुसाट पळवा…
माझ्या उरात धडकी भरली…
अंगी मदनाची आग सरसरली…
कुणी आगीला आता या विझवा,
घोडा मदनाचा सुसाट पळवा…
हो घोडा मदनाचा सुसाट पळवा…
ज्वानी फुटून उरात भरली…
साऱ्या गावात चरचा पसरली…
कुणी रायाला माझ्याबी कळवा,
घोडा मदनाचा सुसाट पळवा…
हो घोडा मदनाचा सुसाट पळवा…
कोई टिप्पणी नहीं:
एक टिप्पणी भेजें