सख्या
मी रे वाटसरु सख्या
तु पावसाची मुक्त सर्
भिजताच अंग सारे
थरथरती अधर …………
वाटे मजशी रहावे
तव संगतीला सदा
तु कृष्ण व्हावा माझा
मी तुझी व्हावी राधा …………
मखमली स्पर्श तुझा
होईल का ? रे तनाशी
दे मजशी तु सहारा
घे ना मज बाहुपाशी …………
गुंफू श्वासांचा गजरा
वेचू प्रणयाची फुले
बागे मंधी आठवांच्या
मन् मंदमंद डुले …………
तु रे चांद पुनवेचा
सख्या चांदणी मी तुझी
अमावसच्या रातीला
आभा पसरेल माझी …………
जशी गवताची पाती
भिजतिया रे दवानं
तुझं राजबिंड रूप
न्हाऊ घातलं घामान …………
मी मेघ पावसाचे
तु मानसूनी वारा
मी होईल धरनी
तु पुन्हा पावसाची धारा…………
©शिवा चौधरी
जामनेर,जळगांव
कोई टिप्पणी नहीं:
एक टिप्पणी भेजें