लावणी मराठी चित्रपटासाठी

*लावणी*

पहाटंच्या पारी न् भराया पाणी
मी तुझीच हापशी हेरलिया......

वाकड्या दांड्याची,
वाकड्या दांड्याची, हापशी मनात भरलिया ||धृ||

कोरस:- (वाकड्या दांड्याची, हापशी मनात भरलिया )

दोन घागरी....., घेऊन काखेत आले
पाणी भर्रायाला, शालू हिरवा लेवून आले
माझ्या घागरी गोल ,
मुखी छोटा गं होल - 2
धार अरधी बाहेर झरलिया.... ||1||

तोरा हापशिचा, बघावा काय
नळ नम्बरीच, दिसत हाय
रंग काळा जरी,
बघा चमचम करी- 2
मुठं आवळून दांड्याची धरलिया.... ||2||

तुमच्या पाण्याला जोरं भारी
आता आलिया  माझी बारी
लावता थोडा जोरं,
सोडी मोठी धारं - 2
दोन झटक्यात घागर भरलिया....||3||