बाबासाहेब

बाबासाहेब

काल मला बाबा साहेब
भेटले जाता जाता
स्वर त्यांचा थोडा 
नाराजीचाच होता

म्हटले तुमच्या साठी
किती झटले राजा फुले
तुमच्या भल्या साठी
काय काय नाही रे केले

आणि तुम्ही मात्र नुसत्या
जयंत्या मयंत्या करताय
राजकीय डावपेचात
आपआपसात मरताय

तुम्ही महापुरुषांना
फक्त स्मारकात बघताय
वाचत नाहीत राजा त्यांना
इथंच तुम्ही चुकताय

भगवे हिरवे पिवळे
तुम्ही झेंडे वेगळे केले
निळ्याचे सुद्धा तुम्ही
फाडून दोन केले

महापुरूषांना नुसते
भजणारच आहात का?
ग्रंथ काय घरात नुसते
पुजणारच आहात का?

डिजे चा ताल धरून
नाचायला ही शिक
कपाटातली पुस्तकं
वाचायला ही शिक 

शिकून सवरून राज्य
कराल या देशावर
अविचार केलातर
लटकाल मग फासावर

तुमच्यातच बघतोय
हा बाबा चंद्र तारे
पुरे झालेत आता
नुसते हार तुरे

शाहू फुल्यांच्या वारस्यातून
तुमचं ध्येय दिसेल
तीच मला खरी आज
श्रद्धांजली असेल

कवी शिवा चौधरी
जामनेर,जळगांव
८२७५४९३२२१

आ. डॉक्टर बाबासाहेब आंबेडकरांना महापरिनिर्वाण दिनी भावपूर्ण श्रद्धांजली.

💐💐💐💐💐💐💐💐💐