आऊ जिजाऊ माऊली
महाराष्ट्र देशा हिरकणी लाभली
लेक लखुजींच्या घरी जन्मली
अन् तुझ्या जन्माने खरच माते
सिंदखेड नगरी पावन झाली
आऊ जिजाऊ माऊली
आमचे जिजाऊ माऊली
तू गं मायेची सावली
आमचे जिजाऊ माऊली || धृ ||
बालपणीचे खेळ वेगळे
सैर सपाटा हत्ती घोडे
नाही कवड्या नाही बाहूली
तुज खेळण्या गं तलवार भावली || १ ||
जाधवा घरी गं तू वाढली
भोसल्या घरची सून जाहली
घडवून छत्रपती आमुचा
स्वराज्यासी दिलास वाली || २ ||
छाया तुझी आम्हा शिरी राहिली
मुघली जुल्माची सरली काहिली
आज अवघ्या महाराष्ट्राची निष्ठा
तुज चरणी मी वाहिली || ३ ||
आऊ जिजाऊ माऊली
आमचे जिजाऊ माऊली
तू गं मायेची सावली
आमचे जिजाऊ माऊली..........
शिवा चौधरी
जामनेर,जळगांव
८२७५४९३२२१
कोई टिप्पणी नहीं:
एक टिप्पणी भेजें