ती पुनवेची रात....!
काजवे रुसले चंद्र हसला
तारका गाणे गात होती,
काय करावे कौतुक तिचे
जी पुनवेची रात होती.
पाहून तिचे रूप सोहळे
पाकळ्या पाकळ्या गळत होत्या,
तिच्या कोमल कायेवरती
चाफे कळ्या जळत होत्या.
तिच्या मोहक सुगंधात
मोगरा सुद्धा झुरला होता,
रातराणी गत सुगंध तिचा
रोमा रोमात शिरला होता.
क्षणाक्षणाला भोळ्या मनाला
तिच्याअसण्याचा आभास हा,
ती असावी फक्त माझी
मनात एकच ध्यास हा.
शिवा चौधरी
जामनेर,जळगांव
कोई टिप्पणी नहीं:
एक टिप्पणी भेजें