*मराठी*
शब्दांचे बांधून बंगले
वसवला माझा गाव रे
कानामात्रांच्या वेशी मध्ये
लकाके मराठी नाव रे
माय मराठी माझी देते
हर्ष मनाशी ममतेचा
वाक्यातूनी संदेश वाटे
जना जनाशी समतेचा
चिता बदले चिंते मध्ये
अनुस्वार बसता हाशी
चिंता पेटवी जित्यापणी
चिता जाळे मृत देहाशी
शब्दातून तिच्या लिलया
गोड कविता पाझरती
अर्थाचा अनर्थ करिती
विराम चिन्हे ओझरती
सांगतांना महती तिची
शिवा थकणार नाही रे
झेलत लाटा मराठीच्या
उभा आनंदाच्या डोही रे
🏽 *शिवा चौधरी*
*जामनेर,जळगांव*
कोई टिप्पणी नहीं:
एक टिप्पणी भेजें