पाळणा

स्पर्धेसाठी......

*पाळणा*

जो जो रे बाळा, जो जो गं ताई
बाळाचा पाळणा गाते रमाई
सावित्री तुला शिकवी अ आ ई
जो बाळा जो जो रे जो .......2

जो जो अंकिता जो जो अक्षरा
शिकवू पोरिला संकल्प करा
भ्रूण हत्तेला बाजूला सारा
जो बाळा जो जो रे जो .......2

होऊ अहिल्या होऊ जिजाऊ
अवनी चल गं शाळेला जाऊ
मुलींची किर्ती जगाला दावू
जो बाळा जो जो रे जो .......2

तू गं कल्पना तू गं सुनिता
अवकाशी झेपं घे गं अनिता
खगोल शास्त्र शिकूया आता
जो बाळा जो जो रे जो .......2

ऐका जरा हो संतोष भाऊ
पोरीला साहित्य शिक्षण देऊ
मराठी मातिचा लौकिक दावू
जो बाळा जो जो रे जो .......2

बाळं अपर्णा उध्दारी कुळा
फुलवेल हो ती किर्तीचा मळा
नात तुमची मोत्याचा घडा
जो बाळा जो जो रे जो .......2

*शिवा चौधरी*
*जामनेर,जळगांव*