*गोंधळ*
आई तुझी गं किर्ती
मी ऐकूनी आलो,
तुझ्या किर्तीचा महिमा
गावाया आलो.
नैवद्य घेऊन आलो
पुरणपोळीचा...
आहेरतुला घेऊन आलो
साडी चोळीचा
दारी गोंधळ गोंधळ
गोंधळ आईचा || धृ ||
तुझ्या हातावर शोभे आई हिरवा गं चुडा
तुझ्या गं भाळी चंद्र नांदे होऊनिया टिळा
सुर्याची गं आभा पसरली तुझ्या किर्तीतूनी
चांदणी गं होऊन बसली नासिकेत नथनी
अन् नभात फडफडतोय झेंडा गं देविचा || 1 ||
कवळ्याचीमाळ पायात पैंजण घालूनी मी नाचतो
तुझ्या कृपेची फुलं गं आई परडीत वेचतो
झेंडा घेऊन बोधाचा मी मिरवितो गं तिन्ही लोकी
तुझ्या लेकरा तारुण न्यावे तूच पाठीराखी
भक्ती करुनी उभारीन मी डोंगर राईचा || 2 ||
महिषासूर मर्दिनी तुझं गं रुद्ररूप भारी
त्रिशूल हाती घेऊन केली सिंव्हाची स्वारी
दैत्याचा संहार करुनी भक्त तू तारिला
भक्त तू तारिला गं आई महिषासूर मारिला
हर्षीभंडारा उधळतोय गं तुझ्याच पायीचा || 3 ||
✍🏽 *शिवा चौधरी*
*जामनेर,जळगांव*
📲 9592487310
कोई टिप्पणी नहीं:
एक टिप्पणी भेजें