*भाकरीची परिमिती*
उगवतिच्या सुर्यासमवेत,
रोज चिंतेची जीवा घेऊन उठतोय मी,
आयुष्यच्या परिघावरती,
रोज नव्याने पोटासाठी झटतोय मी.
रोजगाराच्या गाजरांचा,
विधीमंडळात वाचला जातोय पाढा,
हलवा बनवून गाजरांचा त्या,
म्हणतात त्याचं घनफळ काढा.
त्रिज्ये इतकाच प्रवास जीवनाचा,
भुक्यापोटी व्यासा सारखा वाटतोय मला,
गळ्या भोवतालचा हात त्यांचा,
अगदीच फासा सारखा वाटतोय मला.
शाळा कॉलेजात कागदावरची,
वक्र - चक्र, भूमिती मी पाहिली आहे,
सरळ जगण्याची निती मात्र,
इथं शिकायची राहिली आहे.
मध्य बिंदूशी एकरूप होऊन,
चहूकडे आशाळभूत नजरेनं बघतोय मी,
रोजंदारीच्या पाया अभावी,
भाकरीच्या परिमितीला ही मुकतोय मी.
वर्तुळाची परिमिती = 2×पाय×त्रिज्या
✍🏽 *शिवा चौधरी*
*जामनेर,जळगांव*
कोई टिप्पणी नहीं:
एक टिप्पणी भेजें